1.      ზოგადი პირობები

 

1.1 წინამდებარე შეთანხმება არეგულირებს ურთიერთობას შპს „მომიტანეჯი"-ის ინტერნეტ მაღაზია www.momitane.ge-სა (შემდგომში „მაღაზია") და მაღაზიის მყიდველს (შემდგომში „მყიდველი“) შორის.

ღილაკის „ვეთანხმები" დაჭერა, აგრეთვე ვებ-გვერდის მეშვეობით მიღებული ინფორმაციის ან მომსახურების გამოყენება გულისხმობს იმას, რომ მომხმარებელი გამოხატავს თანხმობას წინამდებარე წესებსა და პირობებთან.

1.2 საიტზე რეგისტრაციის დროს მომხმარებელი ვალდებულია წარადგინოს ზუსტი და სრული ინფორმაცია და ცვლილების შემთხვევაში მოახდინოს მისი განახლება.

 

2.      ანგარიშსწორების პირობები

 

2.1 შეკვეთის ფასი მოიცავს შეძენილი პროდუქციის ღირებულებას, შეფუთვისა და მიწოდების/გადაზიდვის (ასეთის არსებობის შემთხვევაში) ღირებულების ჩათვლით. შპს „მომიტანეჯი" თავად უზრუნველყოფს გადახდასთან დაკავშირებული საკომისიოს გადახდას.

2.2 პროდუქციის ფასი მოცემულია საქართველოს ეროვნულ ვალუტაში და ანგარიშსწორება ხორციელდება საქართველოს ეროვნული ვალუტით.

2.3 საგადახდო ბარათების მეშვეობით გადასახდელად გამოყენებულ უნდა იქნას საქართველოში რეგისტრირებული კომერციული ბანკების მიერ ემიტირებული Visa და MasterCard სისტემების საგადახდო ბარათები. გადახდის უსაფრთხოება დაცულია ,,Verified by Visa" და ,,MasterCard Secure Code" ტექნოლოგიების გამოყენებით.

 

3.      მიწოდების პირობები

 

3.1 პროდუქციის მიწოდება ხორციელდება(იმ შემთხვევაში თუ არის საწყობში საკმარისი რაოდენობით)  „მყიდველის“ მიერ თანხის დაფარვის შემდეგ თბილისის მასშტაბით: იმავე დღეს, ან "მყიდველთან" შეთანხმებულ დროს, ხოლო რეგიონებში: 2-3 სამუშაო დღეში.

3.2 „მყიდველის” მხრიდან წინასწარი შეკვეთის განხორციელების შემთხვევაში  პროდუქციის მიწოდება ხორციელდება 10 სამუშაო დღეში.

3.3 გამყიდველი გამოიყენებს ყველა შესაძლებლობას შესაბამის შეკვეთაში მითითებული საქონლის მიწოდების ვადის დასაცავად, თუმცა დაყოვნება შეკვეთის მიწოდებაში შესაძლებელია გაუთვალისწინებელი გარემოებების გამო, რომლებიც წარმოიშვა გამყიდველისაგან დამოუკიდებელი მიზეზების გამო.

3.4   მიწოდების ფორმები:

- საკურიერო მიწოდება;

- ოფისიდან თვითგატანა

3.5  მიწოდებისას შეკვეთილი საქონელი გადაეცემა „მყიდველს“ ან „მიმღებს“. წინასწარ გადახდილი შეკვეთის მიწოდებისას, მიწოდების განმახორციელებელი პირი უფლებამოსილია მოითხოვოს „მყიდველის“ ან „მიმღების“ პირადობის დამადასტურებელი მოწმობის წარდგენა.

 

4. გარანტია და პასუხისმგებლობა

 

4.1 გამყიდველი არ აგებს პასუხს ზიანზე, რომელიც მიადგა „მყიდველს“ ინტერნეტ - მაღაზიაში შეძენილი საქონლის არასათანადოდ გამოყენების შედეგად.

4.2 გამყიდველი არ აგებს პასუხს ზიანზე, რომელიც წარმოიშვა  მესამე პირების არამართლზომიერი ქმედების შედეგად;

4.3 პროდუქციის მიღების შემდგომ დასაბუთებული პრეტენზიის შემთხვევაში „მყიდველს“ უფლება აქვს მოითხოვოს თანხის ანაზღაურება. ამისათვის მან უნდა მიმართოს საიტის ადმინისტრაციას ელ. ფოსტის მეშვეობით პროდუქციის მიღებიდან არაუგვიანეს 5 სამუშაო დღისა. ამ ვადის გასვლის შემდგომ თანხის ანაზღაურება არ მოხდება. პრეტენზიის დაკმაყოფილების შემთხვევაში თანხის დაბრუნება მოხდება შეტყობინების მიღებიდან არაუგვიანეს სამი სამუშაო დღისა.

4.4 “მყიდველის“ მიერ  პროდუქციის შესყიდვიდან 5 სამუშაო დღის გასვლის შემდგომ, „მყიდველს“ უფლება აქვს დასაბუთებული პრეტენზიის შემთხვევაში  6 თვის განმავლობაში მოითხოვოს პროდუქციის შეკეთება ან გამოცვლა.

4.5 „მყიდველი“ პასუხისმგებელია მის მიერ ინტერნეტ - მაღაზიაში რეგისტრაციისას სარწმუნო მონაცემების მითითებაზე. 

4.6 მხარეები თავისუფლდებიან პასუხისმგებლობისაგან მათი მოვალეობების სრულად ან ნაწილობრივად შეუსრულებლობის გამო, თუ ამგვარი შეუსრულებლობა გამოწვეულია დაუძლეველი ძალის მქონე გარემოებების ზემოქმედებით, საგანგებო ხასიათის მოვლენათა შედეგად, რომელთა გათვალისწინება და თავიდან აცილება მხარეების მიერ შეუძლებელი იყო.

4.7 ყველა იმ შემთხვევებზე, რომლებიც არ არის გათვალისწინებული 4.6 პუნქტით, მხარეები მოვალეობების შეუსრულებლობისა ან და არაჯეროვანი შესრულებისას პასუხს აგებენ საქართველოს მოქმედი კანონმდებლობის შესაბამისად.

4.8 მყიდველი, თავის მხრივ, იღებს ვალდებულებას მართლზომიერად გამოიყენოს შეძენილი პროდუქცია.

4.9 ვებ-გვერდის ადმინისტრაცია  იხსნის პასუხისმგელობას, მომხმარებლის მიერ საკრედიტო ბარათის კანონსაწინააღმდეგოდ  გამოყენების შემთხვევაში.

 

5. კონფიდენციალურობა

 

ვებ-გვერდი იღებს სრულ პასუხისმგებლობას დაიცვას მომხმარებლის პირადი ინფორმაცია და არ გადასცეს ის მესამე მხარეს მომხმარებლის თანხმობის გარეშე, გარდა იმ შემთხვევებისა, როდესაც არსებობს ინფორმაციის გაცემის ვალდებულება საქართველოს კანონმდებლობის შესაბამისად.

საიტს არ გააჩნია წვდომა ანგარიშსწორებისას გამოყენებულ საგადახდო ბარათებზე. ბარათით ანგარიშსწორებისას ხდება გადამისამართება პარტნიორი ბანკის დაცულ გვერდზე, რომელიც მთლიანად პასუხისმგებელია ამ ინფორმაციის დაცვაზე.